Nafnið vísar til norræna sjávargoðsins Njarðar, sem tengist sjónum og auðugum náttúruauðlindum. Með því endurspeglar það uppruna og hlutverk okkar, að nýta gjafir hafsins og umbreyta þeim í verðmæti á sjálfbæran máta.

Við framleiðum hreinan magnesíummálm sem síðan verður unninn í sérhæfðar málmblöndur. Þær málmblöndur eru mótaðar með þróuðum málmvinnsluaðferðum eins og Thixomolding, þar er málmurinn mótaður í hálfbráðnu ástandi.

Þessi tækni gerir okkur kleift að framleiða flókna hluti fyrir margskonar iðnað með mikilli nákvæmni og gæðum.

Í einum rúmmetra (1 m³ = 1000 lítrar) af sjávarvatni eru að jafnaði um 1,3 kg af uppleystu magnesíumsalti. Njörður hyggst framleiða 50.000 tonn af hreinu magnesíum á ári og þá má reikna þetta svona:

Heildarþörf vatns = 50.000.000 kg ÷ 1,3 kg/m³ ≈ 38,5 milljón m³ sjávarvatns á ári

Þetta jafngildir um 1.2 m³ lítrum á sekúndu. Til samanburðar er þetta 50x lægri sjávarupptaka sem Landeldi af svipaðri stærðargráðu tekur inn.

Framleiðsla Njarðar hefur hverfandi áhrif á heildarseltu sjávar. Þegar sjávarvatnið hefur farið í gegnum vinnsluna er það leitt aftur út í hafið. Þessi breyting er smávægileg er ekki mælanleg í samanburði við náttúrulega hreyfingu og blöndun sjávar, þar sem öldur og straumar jafna styrkinn á örfáum augnablikum.

1

Magnesíum útfelling vegna sjávarupptöku starfseminnar er hverfandi miðað við það sem hafstraumar flytja framhjá ströndum landsins á hverri sekúndu. Hafið endurnýjar þetta magn á örfáum augnablikum.

Magnesíum er áttunda algengasta frumefni jarðar og finnst í miklu magni í sjó, sem gerir það að auðfáanlegri og sjálfbærri auðlind. Í hafinu er að finna u.þ.b. 1.7 trilljón tonn af magnesíum. Efnafræði hafsins er stöðug og náttúrulegar breytileikar í styrk magnesíums í sjó, bæði hvað varðar tíma og stað, eru mun meiri en þær breytingar sem yrðu af völdum útdrátta.

2 3 4  

Það má segja að náttúruleg hringrás magnesíums hefjist og endi í hafinu. Magnesíum leysist úr bergi og berst í sjóinn með ám og úrkomu, það tekur þátt í vistkerfi hafsins og berst síðan aftur út í jarðlög með hringrás vatns. Með framleiðslu Njarðar er þetta eðlilega hringrásarferli einungis nýtt tímabundið: við tökum upp magnesíum úr sjónum, og að lokum endar það á ný í hafinu á ný þegar vörurnar eru endurunnar eða brotnar niður í náttúrunni með tímanum.

Við nýtum aðeins sjálfbæra auðlind hafsins, sem streymir stöðugt að og endurnýjast á náttúrulegan hátt. Við vinnum með ströngustu alþjóðlegum stöðlum fyrir umhverfisvernd og það er forgangsatriði í uppbyggingu á okkar starfsemi að tryggja gagnsæi í allri okkar upplýsingagjöf. Að auki er framleiðslan knúin af hreinni íslenskri orku, jarðvarma og vatnsafli, sem það að verkum að með samspili framleiðsluaðferðar Njarðar verður starfsemin einstök í málmiðnaði á heimsvísu.

Tvær meginaðferðir þróuðust við magnesíumframleiðslu á 20. öld:

Pidgeon-aðferðin Byggir á kolefnisríkum ferli þar sem magnesíumoxíð er afoxað með kísli eða kolefni. Krefst mikillar notkunar kola og jarðefnaeldsneytis. Losar allt að 30–40 tonn af CO₂ fyrir hvert tonn Mg. Er enn algengasta aðferðin í dag, en hefur sérstaklega slæmt kolefnisspor og veldur verulegum umhverfisspjöllum frá efnisúrgangi sem myndast við aðferðina.

Dow–Norsk Hydro aðferðin

Þróuð í Bandaríkjunum af Dow og síðar notuð af Norsk Hydro í Noregi.

Felur í sér að vinna úr magnesíumríkum steinefnum, Dow notuðu saltlög og Norsk Hydro dólómít, en sjávarvatn var nýtt sem hjálparþáttur við útfellingu magnesíumhýdroxíðs.

Aðferðin var tæknilega háþróuð á sínum tíma en var hætt undir loks síðustu aldar, þar sem hún var mjög kostnaðarsöm í rekstri einkum vegna mikillar orkunotkunar.

Njarðar-aðferðin

Nýtir eingöngu sjávarvatn ólíkt Dow–Hydro-aðferðinni, sem byggir á nýrri efnavinnslu og háþróuðum efnaflæðiferlum sem gera útfellingu og hreinsun mun hagkvæmari.

Aðferðin er kolefnislaus og nýtir jafnframt 100% endurnýjanlega íslenska orku (vatnsafl og jarðvarma) í stað kola/gass.

Lokað hringrásarkerfi fyrir efni sem trygging enga úrgangslosun.

Umhverfisávinningurinn er tvíþættur:

Lágmarkar umhverfisfótspor. Framleiðslan byggir á endurnýjanlegri orku í stað kola eða gass, sem dregur verulega úr kolefnislosun. Samhliða eru efnaferlin hönnuð sem lokuð hringrás, jafnframt verður enginn efnisúrgangur til við upptöku sjávarvatns sem þýðir að við losum ekki út úrgang sem spillir hafi eða landi. Þannig tryggjum við að hvorki mengun né eiturefni berist út í náttúruna.

Sjálfbær auðlindanýting. Við nýtum hafið á sjálfbæran hátt án þess að grafa upp námur eða nýta steina og berg í nátturunni. Sjávarvatnið sem við notum fer aftur í hafið án úrgangslosunar, sem tryggir að vistkerfi hafsins haldist óraskað.